Framework Agreement tejangja metetdakjang: Manipur Muslim tenet

Imphal, November 02 (Agencies): Manipur Muslim Welfare Organisation (MMWO)-i NSCN (IM) aser India sorkar na tsüngda tezüngzüktep agiba, Framework Agreement nung onüktem tejangja metetdakjang, ta takhangba agütsü.
Bodhbarnü Imphal nung aliba office nung osangbenertem den jembidang MMWO Tir, Abdullah Pathan-i, Manipur nung Muslim nungertemi state litsü amokmerenba lira item anemaji nokdaktsü, ta metetdaktsü.
Abdullah Pathan-isa, “Manipur nung Naga nungertem aser Kuki nungertem atema greater autonomy akhangbaji MMWO-i magizüker. Akhidang nungi Manipur nung lokti balala ajak tesünep nung liyonga arur,” ta ashi.
MMWO lenirisa, Manipur nunger litsü nung mekongshira Naga nunger yimtenren ken o latetba pelaa agizüktsü, ta ashi.
Abdullah Pathan-i, “Kechiba India sorkari tanü tashi Framework Agreement nung aliba onüktem mesangdonger. Iba tezüngzüktep nung mimshiba onük kechi ali?” ta asüngdang.