France actor Kev Adams-i India semdangtsü

Mumbai December 11, 2016 (Agencies): Anil Ambani indang Reliance Entertainment aser Phantom Flims ajanga yangluba Indo-French film ana sayatsü asoshi France nunger actor Kev Adams India-i arutsü sentong lir.
Reliance Entertainment aser Phantom Films ajanga yangluba Indo-French film ana Hombar sayatsü.
“Onoki amanger, asenok külemi Indo-French film yangluba ajanga India nunger indang Film alima dang sayuba nung yariba dang masü, saka iba den külemi India nunger dang French cinema indang sayutsü” ta Reliance Entertainment Chief Operating Officer, Shibashish Sarkar-i ashi.
Adams-i French film “Les Profs 2” aser “The New Adventures of Aladdin” nung tongti shilem agia lir.