France defender Umtiti, Barcelona den küm 5 atema sign sütepogo

Barcelona, July 12 (Agencies) : France nung Olympique Lyon telok nungi defender Samuel Umtiti Spain Football champion Barcelona FC nung küm pongu asayatsü atema sign sütepogo. Pa nem küm pongu nung sen euro million 25 (27.71 million dollar) agütsütsü renema jembiogo.
Arishi küm 22 tain, Cameroon nunger France nung alisang, Umtiti Spanish champion tem den küm pongu adentsü zülutepa sign sütepogo, ta Barcelona FC website nung aliba Efe osang ajanga metetdaktsü.
Barcelona website sangdong ka ajanga ashiba agi, Umtiti telok nung adenba ajanga Luis Enrique-i aniba Barcelona telok centre-back aser left-back tsütsü tali tashi itshitsü.
Küm nung tanur süaka Umtiti-i Lyon telok nungi 170 ben sayaogo aser iba mapang pa aiben captain-a süa aruogo.
Umtiti-i international football nung shilem agibaji tan tembangba 2016 UEFA Euro Cup quarter-final asaya Iceland den asayadang asayaba liasü.
Pa semi-final nungi ang tetenzük nungi tatem tashi asayatsü tenzük.
Sangdong ajangasa ashiba agi, Umtiti Brihostibarnü Barcelona atongtsü aser Club nung noksa kar tangoker tananü temang tendangba mapang agitsü.
Temang tendangba nung ajak shitak adokra, Hokolbarnü club nung adenba maparen ajak tembangtsü aser iba sülen Camp Nou stadium nung club sapurtem den metettepdaktsüba mapang agitsü.