France nung Emergency benoktsü akok

Paris, Luchii/December 2 (Agencies): Linük nung küm 10 tsüngda mepetmesü adokba tanaben rongmesor adokba nokdangtsü asoshi France-i state of emergency benok asadangdar aser longkak aitertem dang ken o angatetepa sensaksemtsü asoshi jaokogo, ta sorkar otongdar Benjamin Griveaux-i Amungnü ashi.
Küptoknü asangur telok kati parnok tejak nembanger intong aser pu bener central Paris yimtong nung longkak aita liasü aser iba mapang parnoki gari rongtsüba den ki dena rongtokja liasü.
“Onoki iba amala lendong tanaben matalokdaktsütsü asoshi inyaktettsüba maparentem asadangtsüla,” ta Griveaux-i ashi.
Totzü aser living costs dak sendakba nung linük ajunga nung hopta anabuba longkak aita arur tang mepetmesü tuluba kümogo aser iba amala densa asoshi ketdangsertem renema maliasü. France nung gari ajak nung fluorescent jacket ayuba sülen iba longkak aitba sentong dang “yellow vest” movement ta ajar.
State of emergency benoktsüba indang asüngdang dang Griveaux-i ashiba agi, iba ken o ya Amungnü senden nung lemtettsü.
Longkak aitba ya Yimpoksüi/November 17 nü tenzük aser social media teyari ajanga kanga kara prokshia ao. France ajunga nung longka aitertemi lenmang nokdanga ayuba den shopping mall, factory aser totzü agütsüba tesemtem nokdanga ayu.
Ketdangsertemi ashiba agi, Küptoknü far right aser far left nungi lendong aketba telok aser suburbs nungi nisung tamajungtem yellow vests movement nung densema Paris-i ait. Interior Minister Christophe Castaner-i ashiba agi, tang tashi nung paua alirtem ya longkak aitertem dang lir, shirnok item teloktemi ajungmesor.
BFM TV den sensaksemba mapang Castaner-i ashiba agi, mepetmesü adokba nokdangtsü asoshi security tali tashi itshiogo, saka parnok kanga sashia tendangogo.
Paisa srokari tongtepratepba nung aibelenba nangzüka liasü.