France nung July tashi State of Emergency alistü akok: PM

Paris, December 10 (Agencies): Taruba 2017 küm tetenzüklen Tir aser parliamentary election agitsü aliba mechi France nung taruba July ita 15 nü tashi State of Emergency atsülangshitsü atema sorkari onük benoktsü renemba osang ka France Ato Kilonser Bernard Cazeneuve-i tanü, Honibar nü metetdaktsüogo.
Kiralongrartemi taoba 2015 küm November ita Paris amakba sülen par sorkari State of Emergency benok aser iba ajanga mitkartem nem nisung mashika aputsü aser parnok den asüngdangya asütsü tashi aguja lir.
Emergency ozüng atsülangshitsü onük agizüktsü mesüra kasaji magizüktsü telemtetba agitsü atema taruba Mongolbar nü parliament nung o lemteptsü aser senate-i par telemtetbaji taruba Brehostibar nü reprangshitsü sentong renemogo.
France nung benokba Emergency ozüng ya taküm January ita tiyongtsülen tembangtsü liasü saka Islamist telungpurtemi maneni lendong atalokdaktsütsü tsüboba yong ozüngji tanü tashi nung 4 ben tashi talangba küma atsülangshitsüogo
France nung Tir election taruba April-May ita aser parliamentary election June nung agitsü renema lir.

You must be logged in to post a comment Login