Islamabad, March 03 (Agencies): Alima ajunga nung Roman Catholic tamangba yimsü benshir lenisang, Pope Francis-i taküm, 2016 küm atemba jakdang Pakistan semdangtsü sentong renemba osang ka par ketdangsertemi tanü, Brehostibar nü metetdaktsüogo.
Pakistan Ato Kilonser, Nawaz Sharif sülen anidaka, Pakistan yimsüsürtem rong nung Chiristian tamangba yimsü benshir minister kija, Pakistan Ports & Shipping Minister, Kamran Michael-ia par linük semdangtsü asoshi Fancis jaokba sülen Francis-i tan mezüngsüa Pakistan semdangtsü sentong renemer lir.
“Ozü lenir, Francis-i Sharif aser Michael nati jaokba onük agizüka Pakistan taküm, 2016 kümsa semdangtsü sentong renemogo. Ajisüaka, Pakistan lenirtem den tongtepratepa osangtsüsang agiba sülen ang par linük semdangtsü anogobo tatemküma latettsü,” ta ketdangsertemi osang jangjashitsü.
Francis-i Pakistan semdangdang Sharif aser Pakistan Tir, Mamnoon Hussain naprongla den ajuruteptsü sentonga renemogo.
You must be logged in to post a comment Login