Freddie Mercury nüngtem nung Asteroid ka tenüng jaloktsü

New York, September 7 (Agencies) : Queen telok nung kentener Freddie Mercury nem tetushi agüja asteroid ka nem pa tenüng jaloktsüogo. Pa arishi küm 70 ajungba tenüng nung iba mapa ya inyak.
70s rock band nung lead guitarist aser astrophysics nunga doctorate angur, Brian May-i iba osang ya Twitter nung metetdaktsü.
“Tepela Tasoba Anogo Freddie. Parnoki nü nüngtem nung planet ka tenüng jalokja lir, saka iba Meteorite ya sempet talila ka lir” ta Brian May-i ashi.
Iba asteroid dang 17473 ta jaya liasü aser Freddie Mercury ta jaloktsüba planet nungia talangka pilar, Mars o Jupiter tsüngda asteroid belt nung dena lir.
Smithsonian Astrophysical Observatory kübok Harvard University nung aliba Minor Planet Center-i September 5, 2016 nü Mercury tasoba anogo nung tenüng jaloktsüba osang metetdaktsü.
Iba asteroid ji 1991 küm mezüng angu aser kasa küm nung AIDS ajanga Freddie taküm sama.
Brian May-isa pa indang website nung asteroid senzüba video ka sayu aser iba den Queen indang ken “Don’t Stop Me Now” enokja lir.