New Delhi, April 29 (Agencies) : Ringing Bells company-i alima nung smartphone tem rongnung sen dalangtiba, Freedom 251 smartphone, online ajanga mangatsü sangdonga nübur aikati online ajanga jelia mangaba sülen olulu jenti adoka liasü.
Tang osang tasen kar ajanga ashiba agi, Freedom 251 smartphone yangluba company, Ringing Bells-i parnoki nangzükba meraksai iba smartphone jelia manga alirtem nem tongtsütsü.
Technology website Techradar-i, Freedom 251 smartphone tem ya sen agüja jelia manga alir customer 30,000 nem tama tongtsütsü, ta osang ka metetdaktsüogo.
Item phone ya May ita nungi yoktsü, ta kasa osang ajanga ashi.
Ringing Bells-i phone ajak dang sen dalangtiba, Freedom 251 ya 2016, February ita nung saya aser nübur ajaki kanga sapua jelia mangatep. Ajisüaka phone industry temi sen jenjang tsütsü kanga aija liasü.
Mezüng iba phone jelia mangatepba mapang parnok indang website nung joko phone mangaba shibangogo aser iba phone ya mezüng jelia mangar nisung lakh 25 nem tama, tekaratiba nung tongtsütsü ta shia liasü.
Tang ano Ringing Bells den toktepba Jaipur nung aliba company kati smartphone ka sen 888 agi dang ayoktsü metetdaktsüogo. Iba smartphone, Docoss X1 ya yashi, Brihostibarnü saya aser May 2, 2016 nung nungi ayoktsü.
You must be logged in to post a comment Login