Freedom 251 Smartphone June 28 nungi tenzüka agütsütsü

New Delhi, June 15 (Agencies): Sen 251 jenjang Freedom smartphone June 28 nü nungi tenzüka agütsütsü aser iba anogo nung mezüngbuba customer 30,000 nem agütsütsü, ta tongti ketdangser kati metetdaktsü.
Website nung traffic tali asübayong website crash asü, ajisüaka ibaji masüdang item nisungtemibo (30,000) mangaar (booked) ser liasü.
Osang ka ajanga ashiba agi, Noida nung amenoka aliba company, Ringing Bells Pvt. Ltd CEO, Mohit Goel-i, company-i June 28 nü nungi tenzüka “Freedom 251” cash-on-delivery (COD) mode nung agütsütsü ta shiogo.
Tamalen interview ka agidang Ringing Bells Tir, Ashok Chadha-i, “Freedom 251” customer temi smartphone ji parnok ket atongba mapang nungang sen agütsütsü, ta metetdakja liasü.
Company-i June 30 matongdang hanset lakh 25 agütsütsü sentong liasü.
Taküm February ita nung Ringing Bells-i ‘Freedom 251’ ya BJP lenir, Murli Manohar Joshi matsüngdang sayaa liasü.
Company-i ashiba agi, iba smartphone ya Android 5.1 operating system lir aser 4-inch qHD IPS display lir. phone nungsa 3.2-megapixel primary aser 0.3-megapixel front camera lir.