Freida Pinto-i ‘Jungle Book: Origins’ nung tetsü ka shilem agitsü

Los Angeles, March 4, 2016 : Actress Freida Pinto-i ashiba agi “Jungle Book: Origins” film nung la Mowgli mesütetla tetsü ka ama shilem agitsü.

etonline.com den interview ka agiba mapang lai Warner Brothers company-i acha ayangba aser Rudyard Kipling-i züluba “The Jungle Book” otsü kaket nung ajemdaker yangluba film nung shilem agitsü indang metetdaktsü.

“Ni Mowgli mesütetla tetsü ama shilem agitsü aser ni iba shilem agitsü kanga jangrar,” ta Pinto-i ashi.

“Ni India nung intetba mapang ‘The Jungle Book’ otsü züngogo aser TV nunga reprangogo aser iba otsü nung nia shilem ka agitsüsa maongka anguba ajanga ni kü lanuwa mapang bilemteter aser aji kanga jangratemtsüka lir,” ta arishi küm 31 tain Pinto-i ashi.

“Iba film ya tanur tain mali ajaki kanga saputsü saka ni ibala mesükba film nung kangabo shilem agia mali. Ni shilem agia aliba film aika tanurtemibo mesaputsü. Anungji iba film asoshi maongka anguba atema kanga pelar,” ta laisa ashi.

Andy Serkis-i direct asüba film ya 2017 küm October ita nung sayatsü tebilemba lir.