French Open: Andy Murray 2 buba round-i iogo

Paris, May 24 (Agencies): Tebur World No.2, Andy Murray-i 1 buba round asaya koka tang tasayadak French Open tennis asayamong tebur singles shilem indang 2 buba round asayatsü jenjang tanü, Mongolbar nü ajangzükogo.

Taoba mapang Roland Garros semifinal asayatsü jenjang 3 ben tashi ajangzüksang, Murray-i tanü points 3-6, 3-6, 6-0, 6-3, 7-5 ngua Czech Republic nunger Radek Stepanek madak takok angu.

Britain nunger arishi küm 37 tain Murray-i par taruba asaya France nunger Mathias Bourgue den asayatsü lemzükogo.

Taoba mapang champion akümtsü jenjang 9 ben tashi ajangzüksang, Rafael Nadal-ia tanü takok ngua Roland Garros asaya 71 buba akokba otsü yangluogo.

Tan asayamong nung 4 buba jenjang abensang, Spain nunger Nadal-i points 6-1, 6-1, 6-1 agi Australia nunger Samuel Groth 1 buba round nung tsükdaktsü.

Tebur World No. 1, Serbia nunger Novak Djokovic-ia points 6-4 6-1 6-1 agi Taiwan nunger Lu Yen-hsun madak 1 buba round asaya akokba osang jangjaogo.

Czech Republic nunger Tomas Berdych, Australia nunger Dominic Thiem aser America nunger John Isner nungeria pei asaya koka 2 buba round-i iogo.

Ano, tetsür singles shilem nung Netherlands tsür, Kiki Bertens-i points 6-2, 3-6, 6-3 ngua Germany tsür, Angelique Kerber tsükdaktsüba osang jangjaogo.

Switzerland tsür, Timea Bacsinszky; Australia tsür, Sam Stosur aser Serbia tsür, Jelena Jankovic nungeria pei 1 buba round asaya akokba osang angazükogo.