French Open: Murray o Wawrinka na semifinal asayatsü

Paris, June 02 (Agencies): Britain nunger Andy Murray-i quarterfinal asaya koka tang tasayadak French Open tennis asayamong tebur singles semifinal-i yashi, Bodbar nü iogo.
Murray-i points 5-7, 7-6 (7/3), 6-0, 6-2 agi France nunger Richard Gasquet akokba sülen Switzerland nunger Stan Wawrinka den semifinal asayatsü lemzükogo.
Arishi küm 31 tain Wawrinka-ia points 6-2, 6-1, 7-6 (9/7) agi Spain nunger Albert Ramos-Vinolas tsükdaktsüba sülen 1985 nungi tenüka tanü tashi nung French Open asayamong semifinal asayatsü jenjang angur tebur asayar tambotisang aküm.
Tebur World No. 1, Novak Djokovic-ia points 6-3 7-5 6-3 agi Czech Republic nunger Tomas Berdych madak takok ngua semifinal asayatsü jenjang tanü ngua liasü.
Serbia nunger Djokovic-i Austria nunger Dominic Thiem mesüra Belgium nunger David Goffin na rong nung ka dang semifinal asayatsü.
Spain tsür, Garbine Muguruza aser Australia tsür, Samantha Stosur natia tetsür singles semifinal asayatsü jenjang yashi ajangzüka liasü.
Muguruza-i points 7-5, 6-3 agi America tsür, Shelby Rogers akok aser Stosur-i points 6-4, 7-6 (8/6) ngua Bulgaria tsür, Tsventana Pironkova tsüdaktsü.
India tsür, Sania Mirza aser Croatia nunger Ivan Dodig natia points 6-1 3-6 10-6 agi Taiwan tsür, Yung-Jan Chan aser Belarus nunger Max Mirnyi na tsükdakja mixed doubles semifinal-i tanü iogo.
Tenati France asayar, Kristina Mladenovic o Pierre-Hugues Herbert na den semifinal asayatsü.