French Open: Praneeth-i tamakok ajuru

Paris, October 27 (Agencies): India nunger badminton asayar, B Sai Praneeth-i tamakok ngua, tang tasayadak French Open Super Series nung joko toktepa masayatettsüsa jenjang ajuruogo.
Korea nunger Lee Lee Hyun Il-i ghonda 1 shi nung points 15-21, 21-8, 21-19 ngua Praneeth tebur singles 1 buba round nung tsükdaktsü.
Külem sensopur, Ajay Jayaram-ia par 1 buba round asaya nung tamakok ajuruba yong PV Sindhu aser HS Prannoy nati dang par India tenüng nung maneni toktepa shilem agitsü temeten ngua lir.
Tan asayamong nung 6 buba jenjang abenla, Sindhu-i China tsür, He Bingjiao den 2 buba round asayatsü lemzüka lir aser Prannoy-ia Chinese Taipei nunger Chou Tien Chen den par 2 buba round asayatsü lemzükogo.