Paris, May 31 (Agencies): Tetsür World No. 2, Agnieszka Radwanksa-i tanü, Mongolbar nü tamakok ngua tang tasayadak French Open asayamong nung joko shilem magitettsüa jenjang tamajung ajuruogo.
Tetsür World No. 102, Bulgaria tsür, Tsvetana Pironkova-i tanü points 2-6 6-3 6-3 ngua Poland tsür, Radwanska tetsür singles 4 buba round nung tsüdaktsü.
Radwanska-i points 6-2 3-0 ngua taoba Deobar nü asayadang tzünglu kanga sashia aruba ajanga par asaya ghonda 40 tashi thinentsüa aküm.
Tanüa tzünglu kanga sashia aruba ajanga asayaji ghonda 2 ser minute 45 tashi thinentsüsa aküm aser par asaya tenzüker ghonda 46 shi süir külen Pironkova-i arishi küm 27 tain Radwanska madak takok ngua liasü.
Pironkova-i tan takok anguba sülen küm 7 dak tema nung asayar tarensen top 100 nung madener asayar kati temaba jenjang abener asayar ka madak takok angur otsü yanglua, tetsür singles quarterfinal asayatsü jenjang angur lir.
You must be logged in to post a comment Login