French Open: Serena o Muguruza na final asayatsü

Paris, June 03 (Agencies): Tetsür World No. 1, Serena Williams-i semifinal asaya koka tang tasayadak French Open tennis asayamong tetsür singles final asayatsü jenjang tanü, Hokolbar nü ajangzükogo.

Arishi küm 34 tain Serena-i tanü points 7-6 (9/7), 6-4 ngua Netherlands tsür, Kiki Bertens semifinal asaya nung tsükdaktsü.

Tanü agi anogo tanabuba tashi nung asaya 4 nung atonga takok angula, America tsür Serena-i Spain tsür, Garbine Muguruza den asüng, Honibar nü final asayatsü.

Tan final asaya nung takok ngura, Serena Grand Slam asayamong takok marok 22 buba agizüker asayar küma, Germany tsür, Steffi Graf-i 1999 küm yangluba Open yimya nung tennis asayatsü tenzüker Grand Slam takok marok timba agizükba otsü meneptsü.

Ano külen, tan asayamong nung 4 buba jenjang abener, Muguruza-ia points 6-2, 6-4 agi Australia tsür, Samantha Stosur madak ayong ayonga takok ngua, final asayatsü jenjang angu.