French Open: Sindhu o Prannoy na 2 buba round-i iogo

Paris, October 26 (Agencies): India’er Olympic silver medallist, PV Sindhu aser külem sensopur, HS Prannoy nati par tetenzükba asaya koka, tang tasayadak French Open Super Series badminton asayamong nung tanü, Bodbar nü shilem agiogo.
Ajisüaka, Ajay Jayaram-i tanü tamakok ngua, tan asayamong nung joko shilem magitettsüsa jenajng tamajung ajurua liasü.
Sindhu-i tanü minute 45 shi nung points 21-9 29-27 ngua, Hong Kong tsür, Yip Pui Yin tetsür singles 1 buba round nung tsükdaktsü.
Taoba mapang World Championship bronze medal anaben tashi agizükla, Sindhu-i China tsür, He Bingjiao aser Denmark tsür, Mette Poulsen na rong nung takok angur den par 2 buba round asayatsü.
Swiss Open champion, Prannoy-ia minute 41 nung points 21-16 21-18 ajangzüka, Thailand nunger Boonsak Ponsana tsükdaktsüba sülen Chinese Taipei nunger Chou Tien Chen den tebur singles 2 buba round asayatsü lemzükogo.
Ajisüaka, Indonesia nunger Anthony Sinisuka Ginting-i points 20-22 21-10 21-18 ngua, Jayaram tanü tebur singles 1 buba round nung tsükdakja liasü.