French Open: Wawrinka o Nishikori na 3 buba round-i iogo

Paris, May 25 (Agencies): Defending champion, Stan Wawrinka aser tan asayamong nung 5 buba jenjang abensang, Kei Nishikori nati par 2 buba round asaya koka, tang tasayadak French Open tennis asayamong tebur singles 3 buba round asayatsü jenjang tanü, Bodbar nü nguogo.

Switzerland nunger Wawrinka-i tanü points 7-6 (9/7), 6-3, 6-4 ngua Japan nunger Taro Daniel 2 buba round nung tsükdaktsü.

Tan asayamong nung 3 buba jenjang nung alisang, Wawrinka-i France nunger Jeremy Chardy den 3 buba round asayatsü lemzükogo.

Japan nunger Nishikori-ia 6-3, 6-3, 6-3 ngua Russia nunger Andrey Kuznetsov madak 2 buba round asaya akokba osang jangjaogo.

2014 US open nung tanabuba jenjang takok marok angusang, Nishikori-i Spain nunger Fernando Verdasco den 3 buba round asayatsü.

Tetsür singles shilem nunga Romania tsür, Simona Halep aser Czech Republic tsür, Petra Kvitova nati takok ngua, 3 buba round-i iogo.

Tan asayamong nung 6 buba jenjang abener, Halep-i points 7-6 (7/5), 6-2 agi Kazakhstan tsür, Zarina Diyas akok aser Kvitova-ia points 6-4, 6-1 agi Taiwan tsür, Su-Wei Hsieh tsükdaktsü.

Halep-i Japan tsür, Naomi Osaka den 3 buba round asayatsü aser Kvitova-i America tsür, Shelby Rogers den 3 buba round asayatsü lemzükogo.

Ano külen, India tsür, Sania Mirza aser Switzerland tsür, Martina Hingis natia Russia tsür, Daria Kasatkina aser Alexandra Panova na madak takok ngua, tetsür doubles 2 buba round-i aiba osang jangjaogo.

Mirza o Hingis nati points 7-6(4), 6-2 agi takok anguba sülen Karin Knapp o Mandy Minella na aser Nao Hibino o Eri Hozumi na rong nung takok angur den 2 buba round asayatsü.