French Open:Wawrinka, Garbine aser Albert nunger quarter-final-i iogo

Paris, May 29 (Agencies) : Taoba mapang French Open Champion, Stan Wawrinka Deobarnü Roland Garros nung Serbia tsür Victor Troicki 7-6 (7/5), 6-7 (7/9), 6-3, 6-2 agi koka tan asayamong quarter-final-i iogo.
Taküm küm Grand Slam ana asaya aruba nung arishi küm 31 tain, Switzerland nunger, Stan Wawrinka-i tanü akokba zünga set ka danga tangar nem mokodaktsüi 11ben buba akokerba lir.
Quarter-final nung pa Spain nunger Albert Ramos-Vinolas den asayatsü. Albert Ramos-Vinolas-i Deobarnü 6-2, 6-4, 6-4 agi Milos Raonic madak takok ngua quarter final tongteta lir.
“Iba asaya kanga temelamasü asü, ajisüaka takok anguba atema pelar,” ta Wawrinka-i ashi.
Ano tetsür asaya nung Spain tsür Garbine Muguruza quarter final tongogo. Lai French Open asayamong nung tan agi küm asem buba atonga atonga quarter final atonger. Garbine Muguruza-i taoba mapang champion Svetlana Kuznetsova madak 6-3, 6-4 agi takok ngua quarter final atong.
Arishi küm 22 tain, Venezuela tsürla US nungi Shelby Rogers den quarter final asayatsü.
Tebur tarep asaya nung India nunger Leander Paes aser Marcin Matkowski na quarter-final tongogo. Tenati gondha ka ser minute 43 nung England nungi Jamie Murray aser Brazil nungi Bruno Soares na madak 7-6 (5), 7-6 (4) takok nunga quarter final atong. Quarter final nung tena Bryan Brothers – Bob aser Mike na den asayatsü.
Ano Inda nunger Rohan Bopanna aser Romania nunger Florin Mergea natia US nunger Brian Baker aser New Zealand nunger Marcus Daniell na madak 6-2, 6-7 (4), 6-1 agi takok ngua quarter final tongtetogo.