Frolic Cup 2017 asaya osang

Dimapur, April 26 (TYO): 2017 Frolic Cup asayamong nung pre-quarters asaya tanü nungi tenzükogo. Telok 8 anunga aliba rongnungi mezüng asaya Starlit Maova aser Sporting Club, Phaipijang na asayaa liasü.
Asaya nung telok anapronglai kanga merang goal agütsütsü asoshi merangtep saka asaya tatemi Sporting Club, Phaipijang-i 2-1 agi koka quarter final-i iogo.
Tanabuba asaya nung United FC, Medziphema, aser Khanglai FC na asaya aser Khanglai FC-i 2-0 agi akok.
Anüngdang asaya nung Khanakhurü Students’ Union aser Liengai FC na anü tatsük nung kanga meranga asayar, asaya tatem nung Khanakhurü Students’ Union-i goal 1 agi akok.
Anogo tatembang buba asaya nung Molvom Youth & Students’ Union vs Tribal FC asayaa liasü. Kanga dang tokteba asayaba asaya ka nung mapang tatem tashi nung goal 1-1 dang asüba ajanga tie-break asayaa liasü. Tie-break asaya nung Molvom Youth & Students’ Union-i 6-5 agi koka quarter-i iogo.
Brehostibarnü Quarter final asaya yamai alitsü:
1. MVYO vs Tsiepama Youth Organisation, 7:00 am.
2. KYC ‘B’ vs Winfield Club, 8:30 am.
3. Kanakhurü Students’ Union vs Sporting Club, Phaipijang, 2:00 pm.
4. Khanglai FC vs Molvom Youth and Students’ Union, 2:30 pm.