Frolic Cup: Anogo tenetbuba asaya osang

Dimapur, April 25 (TYO) : Tang Medziphema nung tasayadak, Frolic Club asayamung tenetnü buba asaya telok ti asayaa liasü, ta Frolic Club Tir Kepe Nakhro aser Games & Sports Secretary Nizhalhu Kuotsu nati sangdong ka ajanga metetdaktsü.
Iba asayamung tenzüknü nungi anogo shia asaya pezüzü asaya arur aser tanü, Mongulbarnüa quarter final asoshi team ti kanga toktepa asayaogo, ta sangdong ajanga ashi.
Kasa sangdong ajanga ashiba agi, tanep mezüng asaya nung taoba küm takok marok bena aliba telok, Tsiepama Youth Organisation aser Arogo nungi lanurtem temeja, BKK TBCM na tsünga asayadang Tseipama Youth Organisation-i BKK TBCM madak 5-3 agi takok angu. Anepdang 8:30 ako nungi tenzüka asayaba, tanabuba asaya nung Kuki nunger club ana, club KYC ‘A’ aser KYC ‘B’ na asayaa liasü. Iba asayaji KYC ‘B’-i 5-0 agi akok.
Nikongdang mopung ka tatsük (31’C) süaka MVYO aser Zoungam FC na tsüngda tasembuba asaya asayaa liasü. Iba asaya nung MVYO-i 7-1 agi Zoungam FC madak kanga junga takok angu. Asaya pezübuba tenzüktsü anasa stadium sünga nisung adenshia pelatepa liasü. Iba asaya nung Winfield FC, Medziphema-i 4-0 agi Young Generation, Old Piphema madak takok ngua quarter final tongogo, ta sangdong ajangasa ashi.
Bodhbarnü (26/4/17) asaya yamai alitsü :-
1. Starlit Maova vs Sporting Club, Phaipijang, at 7:00 am.
2. United FC, Medziphema, vs Khanglai FC at 8:30 am.
3. Khanakhurü Students’ Union vs Liengai FC at 2:00 pm.
4. Molvom Youth and Students’ Union vs Tribal FC, Dimapur, at 3:30 pm.