FTC Open Written Bible Quest Exam 2016 alitsü

Dimapur, September 2 (TYO) : September 4, 2016 nü Faith Theological College (FTC) ajanga “Open Written Bible Quest Exam 2016” ayongzüka agitsü.
Iba tetoktepba ya nikongtsütsü 2:00 ako nung FTC, Urra Villa Colony, Circuit House Area, Dimapur nung agitsü.
Tasüngdangbatemji 2 Samuel (OT), Galatians/ Ephesians/ Phillippians (NT) nungi asündangtsü aser tejangrar ajaki iba nung adentsü akok, ta Founder Principal, Rev. Dr. S. Gangte-i sangdong ka nung metetdaktsü.
Iba tetoktepba nung takok angur nem sen 3000, 2000 aser 1000 senpettem agütsütsü.
Osang tejangja metetnürtemi Founder Principal den 9436425173/ 9856319201/ 9774870677 ajanga tongteprateptsü akok.