Fury-i World Champion, Klitschko den October ita tsüngteptsü

London, July 07 (Agencies): Tanü tashi nung ken danga tamakok ajurushia maliba Britain nunger tsüngteper, Tyson Fury-i World Heavyweight Champion, Wladimir Klitschko den taküm October ita toktepa tsüngteptsü sentong renemogo.
Fury-i Germany kübok Duesseldorf nung ajurutepdang Klitschko madak takok ngura arishi küm 39 tain Ukraine nunger Klitschko-i taoba mapang agizüka aliba WBA, WBO, IBF aser IBO takokba ajungaji pa meyong akümtsü.
“Ukraine, Deutschland mesüra Japan nunger rong nung mashi tesem ka nung ajurutepa tsüngtepaka, ni Klitschko madak takok angutsü aser ni heavyweight shilem nung tsüngteper tajungtiba akümtsü,” ta Fury-i Twitter ajanga metetdaktsü.
Arishi küm 26 tain Fury-i 24 ben tashi toktepa tsüngtepdang ken danga tamakok ajura mali aser Klitschko-ia taoba küm 11 tsüngda nung ken danga tamakok ajuruba osang bushiteta mali.