Fury ket nungi International Boxing Federation Belt meyipa agir

London, December 09 (Agencies): Britain nunger heavyweight boxing champion, Tyson Fury ket nungi International Boxing Federation (IBF) belt meyipa agiba osang ka BBC osangi tanü Bodbar nü metetdaktsüogo.
Fury-i Ukraine nunger Wladimir Klitschko madak taoba November ita 28 nü takok ngua tsüngtepba sülen pai WBA, IBF, IBO aser WBO takokba belt agizüka liasü.
Ajisüaka, iba takokba belt-ji ajangzüker hopta anata mabensadang pa ket nungi takokba belt kabo meyipa agiadoker lir.
“Fury-i Klitschko madak takok anguba sülen IBF-i Ukraine nunger tsüngteper, Vyacheslav Glazkov den toktepa tsüngteptsü lemzüktsü saka Fury-i Glazkov melena maneni Klitschko den ang toktepa tsüngteptsü lemtetba yong pa nem agütsüba IBF belt kaji meyipa agia pa merenshitsüsa aküm,” ta IBF championships chairman, Lindsey Tucker-ia osang jangjashitsüogo.