Fusion FC & Arrjusanger FC nati takok angu

Dimapur, October 07 (TYO): Defending champions, Fusion FC aser Arrjusanger FC telok nati takok ngua tang tasayadak 21 buba MDFA asayamong nung tanü Bodbar nü shilem agiogo.
Tanü mezüngbuba asaya tenzüker minute 5 buba nung Lanuakum-i goal 1 agüja par Youth Association Merepkong (YAM) XI telok temaba jenjang nung ajungkettsü saka Kilang-i minute 32 buba nung par Fusion telok asoshi goal 1 agüja par telok anaprongla kasa jenjang kümdaktsü.
Asaya tanabuba shilem nung, asaya tenzüker minute 40 buba nung Mathung-i par Fusion telok asoshi goal 1 agütsüba den külemi, külem asayar Kilang-i maneni goal 1 agüja par telok goal 3-1 agi temaba jenjang küma ajungkettsü.
Asaya tenzüker minute 51 buba Bamdi-i free kick metsütsü maongka ngua par Fusion telok asoshi goal 4 buba aser minute 61 buba nung Daniel-i 5 buba goal agütsüba ajanga par Fusion teloki maneni temaba jenjang angu.
Tesülen, minute 67 buba nung Toshipokba-i par YAM telok asoshi 2 buba goal agütsü.
Ajisüaka, injury added time nung Daniel-isa goal 1 agütsüba yong par Fusion teloki goal 6-2 agi YAM telok madak takok angu.
Tanabuba asaya nung striker Nokcha-i goal 5 agüja tan asayamong nung hat-trick yanglur asayar mezüngbuba akümba densema par Arrjusanger teloki goal 12-1 agi Youngsters FC telok madak takok ngua liasü.
Tanü asaya nung Bendangreba-ia asaya tenzüker minute 27 buba nung par Youngsters telok tenüng nung goal 1 agütsü.
October 8 nikongdang 1:00 ako nungi tenzüka asaya yamai alitsü:
1st Match: Walunir Retsung Artang Vs B-Squad FC
2nd Match: Sports Society Suyim Vs Onet Korang SC