G.Bs Corpus Fund atema sangdonger

Mokokchung, May 28 (TYO): Gaon Boras Association, Mokokchung District Office nungi sangdong ka ajanga, sodi agir alir mesüra süadoker alir G.B-tem, 2018-2019 tashi nung küm ter abensar, shirnokisa G.Bs Corpus Fund atema apply mesüi lir, June 10, 2019 anogo tashi nung G.Bs Association general secretary ket tongtsütsüla, ta metetdaktsüogo.
Corpus Fund apply asütsü atema nüngdakba document-tem :- Appointment order, küm 20 mejungertem government hospital nungi medical certificate, Council Chairman nungi sodi agiba kuli aser tasürtem tasüba kuli (Death Certificate), G.B. tasür atema kinüngtsü tenüng agütsütsüla, ta MDGBA President Imolemba Jamir (GB) aser General Secretary Along Jamir (GB) nati sangdong ka ajanga metetdaktsü.
Tali rajema angatettsü atema nüngdakbapurtemi agüja aliba mobile numbar 7005207249 ajanga tongteprateptsü akok, ta kasa sangdong ajangasa metetdaktsü.