Gabbay-i Israel minister menden toktsür

Jerusalem, May 27 (Agencies): Avi Gabbay-i Israel Environment Minister menden toktsüba osang ka tanü, Hokolbar nü metetdaktsüogo.
Israel Ato Kilonser, Benjamin Netanyahu-i aniba teloktep sorkar nung anioksema, Avigdor Lieberman Israel Defense Minister tasenba shimba atema longkak aita, Gabbay-i tan minister mendenji toktsür lir.
Netanyahu-i par teloktep sorkar tali tashi itshitsütsü nükjidong nung Yisrael Beitenu yimtenren telok lenisang, Avigdor Lieberman par Defense Minister inyaktsü asoshi tan Bodbar nü shima liasü.
Gabbay ya Israel parliament yimsüsür 10 tashi densemba Koolanu yimtenren telok nungi yimsüsür ka lir.
Gabbay-i tan minister menden toktsübaji Israel’er cabinet minister menden abener yimsüsür tanabubai Netanyahu-i aniba teloktep sorkar toktsür lir.
Likund Party telok nungi yimsüsür, Moshe Yaalon-ia Netanyahu lenisüba dak temulung melemteti küma, tawa Defense Minister menden tokja liasü.