Gaidinliu tushiba atema TR Zeliang-i Centre nem tenüngsang agütsü

New Delhi, August 31 (Agencies): NDA sorkari tawa nüjiso atema rarar Rani Gaidinliu asoba centenary nung la tushitsü lemtetba atema Nagaland Chief Minister T R Zeliang-i Centre sorkar tenüng sangogo.
Iba ya north east atema tetushi tulu ta shia Zeliang-i, “Iba tetushi ya northeast jala, Rani Gaidinliu tushiba dang masü, saka northeast ajak, aser talisa Naga nunger tushiba lir,” ta ashi.
“India sorkari la asoba centenary nüngtem nung commemorative coins aser stamp sayaba aser Kohima nung Rani Gaidinliu Museum-cum-Library yanglutsü atema senotsü lemzüktsüba asoshia ni India sorkar dang pelar,” ta Chief minister-isa shisem.