Gaili nung Awareness sentong agi

Dimapur, Yimpoksüi/November 12 (TYO): Peren District Administration aser State Bank of India, Jalukie Branch o District Level Centre for Women-MSK Peren longjemer Government of India indang Financial Inclusion & Financial Schemes dak sendakba nung November 8nü Gaili Village Council Hall nung Mega Awareness Program cum Workshop ka ayongzüka agiogo.
Sentong nung EAC Ngwalwa, Rumbemo T. Kithan-i nüburtem dang loktilibaren kümdanga meita atatsü aser tetsür tanur jenjang ajungkettsüba dak sendakba nung lokti libaren ajungkettsü asoshi inyaktsü ajungshi.
Women Welfare Officer, Heiriateilei-i District nung Beti Bachao Beti Padhao sentong balala indang inyakyim metetdaktsü. BBBP indang nükjidong tulutibaji tetsür tanur nem education agütsütsü aser tetsür tanur asoba benjungtsü atema lir, ta lai ashi.
State Bank of India, Jalukie Branch Assistant Manager, Paotinngul Hangsing-ia sentong nung banking sector kübok life insurance schemes balala indang jembia liasü.
Awareness sentong ya District Coordinator, MSK Peren, Kiziupeululie lenisüba kübok aka aser Dobashi, Mhaising-i tepela anküp o jembia liasü, ta ketdangser sangdong ajanga metetdaktsü.