Gaja cyclone lendong atema AIADMK-i sen cr.1 tenla agütsü

Chennai, Yimpoksüi/November 27 (Agencies): Tamil Nadu state nung tang yimsü süa aliba telok AIADMK (All India Anna Dravida Munnetra Kazhagam)-i Sangtennü/Tuesday cyclone Gaja ajanga raksatsur aliba yanglushitsü asoshi sen cr. 1 tenla agütsüogo.
AIADMK Coordinator aser Tamil Nadu Deputy Chief Minister O Panneerselvam nati Chief Minister K Palaniswami nem cr. 1 cheque agütsüogo, ta sangdong ka ajanga metetdakja liasü.
Palaniswami ya AIADMK Joint Coordinator lir.
Yimpoksüi/November 16, 2018 nü Tamil Nadu coast- Nagapattinam aser Vedaranyam tesem tsüngda Cyclone Gaja yagi kanga dang sashia konghia liasü. Iba tzü mopung lendong ajanga meimchirtemi züsentetba aser kiojen aika raksatsüogo, iba dak alia, cyclone lendong nung nisung 63 taküm samadok.