Galaxy S9+ atema Reliance Jio puri buyback deal shilem 70 agütsütsü

Metsüremi 17, 2018 (Agencies): Reliance Digital puri Samsung Galaxy S9+ atema buyback offer shilem 70 tashi agütsütsüba sangdongogo, ajisüaka iba offer ya Samsung Galaxy S9+, 256GB variant atema dang asütsü. Talinürtemi iba offer ya linük ajunga nung Reliance Digital aser Jio Stores tem nungi agitettsü aser ajidang masü online ajanga www.jio.com nungia agitettsü.
Buyback offer shilem 70 angutsü atema talirtemi Jio connection agitsüla aser ita 12 tsüngda nung Jio plans mashi agi sen 2500 alang recharge asütsü nüngdaker. Buyback deal shilem 70 ya magi tsüngda talirtemi tamasa official Terms aser Conditions jangjaa angatettsü asoshi company-i ajungshir.
Iba dak alia ano Galaxy S9, S9+ aetma exclusive Jio offer agütsüba talirtemi agitettsü, kong sen 15,000 agi küm ka atema 1 Terabyte High Speed 4G data den unlimited voice call aser SMS offer agütsür.
Iba den bendenloksema iba plan offer nung shilem ka ama Jio network amshirtem nem Jio Prime Membership dena agütsütsü. Reliance Digital customers nem ano Samsung S9+ 256GB variant atema EMI ita 12 tashi agütsüba angutsü.
Reliance Jio puri taoba mapang nung Apple iPhone X atemaa kasa buyback deal shilem 70 agüja liasü.
Samsung Galaxy S9 aser Galaxy S9+ ya India nung tawa sayaogo aser Galaxy S9 ya sen 57,900 aser Galaxy S9+ ya sen 64,900 agi angutsü. Iba variant anaprongla nung 64GB storage keta aliba angutsü. Iba den bendenloksema company puri smartphone anaprongla indang 256GB variant sayaogo aser iba variant Galaxy S9 ya sen 65,900 aser S9+ ya sen 72,900 agi angutsü. Samsung tasenba ana ya Lilac Purple, Coral Blue aser Midnight Black sentsü nung angutsü.