Game of Thrones indang taruba episode leak asü

August 5, 2017 (Agencies): Ajaki kang tang sapua reprangba ‘Game of Thrones’ series season 7buba indang ano mesayai aliba Episode 4buba koba HBO nung August 6 nü sayatsü ali, iba episode ya temai adokogo. Iba ya taoba mapang nung HBO hack asüba ajanga masü saka parnok indang distribution partner Star India ajanga prokshi, ta Honibarnü osang ka ajanga metetdaktsü. ‘Verge’ ajanga ashiba agi, iba leak süadokba episode 4buba nung ya Star India indang logo adoker. Verge-i agütsüba osang ya Star India nung o tongdar kati olen ka nung auh ta agizükogo. “Onoki iba ken o kanga süoki ia agir aser iba ya kechi kodaser prokshiar jangjatsü atema onoki onok tsüngda nung aser onok technology partner tem ajak repsema bushisüngdang tenzükogo. Iba ya kanga dang ken o tulu ka lir aser onoki jenjang tapet agidar,” ta Star India sangdong ajanga metetdaktsü.
Osang ajanga ashiba agi, “Star India-i parnok website ajanga iba episode ya online nung prokshi amai reprangteter.” Mobile comparison website ‘Smartprix’-i Star India indang distribution site nung iba episode indang MP4 direct link ka ngutet. Iba sülen nisungtemi ‘GoT’ Episode 4 download asü tenzük aser social media balala ajanga medemertem den lemsateptsü tenzük. Taoba mapang nung hacher shibai HBO indang show tem GOT dena leak südakja liasü pai ano maneni August 6 nü tangaa kar leak sütsütsü ta amokmerenogo.
Hacker tem yagi Variety.com dangi züluba nung ashiba agi, parnoki hopta shia ka ka sayatsü aser tarubaji Deobarnü 12 GMT (5 p.m. IST) nung asütsü ta metetdaktsü. parnokisa ashiba agi, parnoki HBO computer networks hack asüba mapang data 1.5TB shi agizüka lir.