Gandhi-i paper mill ana tanaben lapoktsütsü nangzük

Guwahati, Rongchii/April 10 (Agencies): BJP sorkari linük nung sensakertem atema mapa shidak meinyak ta shia Congress tir Rahul Gandhi-i, parnoki sorkar kümtetra, sensakertem atema NYAY scheme dak alia Assam nung Nagaon paper mill aser Cacher paper mill lapoktsütsü nangzükogo.
Assam, Barak Valley kübok Cacher district nung Lok Sabha MP Sushmita Dev atema nüboyimba sentong nung jembidang Rahul-i ashiba agi, linüki Assam aser Northeast nungi lanur lenirtem nüngdaker aser Congress puri sorkar kümtetra Dev minister kümdaktsütsü ta ashi.
Gandhi-isa BJP puri linük nung takartem atema dang inyak ta ashiba amapang parnoki Mehul Choksi aser Nirav Modi nungr amala takartem nem India nung bank tem jabi agütsü ta ashi.
Maneni Rahul Gandhi-i Assam Barak Valley ya shishilembadak tesem tongtibang ka kümdaktsütsü nangzük aser Barak Valley terenlok asoshi Delhi aser Asia teti sendaktepa alitsü ta ashi.