Gangnam style atensang Psy-i music video tasen ‘Daddy’ sayaogo

Dec. 03, 2015: South Korea nunger pop kentener nüngtugu, Psy-i küm ishika tejaklen ‘Gangnam Style’ ken ajanga alima anokshija liasü aser maneni pai music video tasen ‘Daddy’ sayaogo. Iba video views 19,892,108 dak tema jungogo.

Psy indang music video tasenba ‘Daddy’ Hombar nü, November 30 nü sayaa liasü.

Iba pop ken nung Psy-i tsüngsangba tasa tasen kar sayar.

Video clip ji hospital nung aliba neonatology unit ka nung tenzüker, kong doctor kati tanur ka sotsüba sülen tanur tebu, Psy ket nung amoktsür. Ajisüaka kinü tanur tejakji Psy tejak den kasa asur aser tanurji grade school tashi nung sayur, kong pai par tesayur densema tetsürtem arishir.

“Gangnam Style,” ken ama, ken tasenbajia Korea aser English oshi temeyoktep lir.