Gari lendong nung mapa tajung inyakertemi timtem majurutsü

New Delhi, March 30 (Agencies): Gari lenmang nung lendong ajurua timtem nung alir yarirtemi taartsüba aser amokmeren balala majurutsü atema Centre sorkari telatetbatem Bodhbarnü Supreme Court (SC)-i agizükogo.
Centre indang telatetbatem tongtibangbaji- gari lenmang nung lendong majurutsü aser mapa tajung inyakertem kümzüktsü atema lir.
Centre-i latetbatem ajanga ashiba agi, gari lendong nung timtem ajurua alir yaria mapa tajung inyakertemi joko police aser tanga ketdangsertem dang nungi amokmeren aser taartsüba majangshitsü. Iba dak sentakba nung SC-i Centre dang item telatetbatemji media ajanga sangdongtsü tuyuogo.
Tan ita tetenzüklen  SC-i item telatetbatem mapa küma benok, aser iba telatetba ozüng ajanga state aser UT ajak alentsü.
Telatetbatem rongnung, gari lenmang nung lendong ajurur yarirtem shinga anema ozüng alema inyakba mebenoktsü mesüra temerenshi mangutsü.
Telatetbatem ajangasa, item ama nisungtem maitsü mimbanga ayutsü ta shia lir.