Gari lendong nung nisung 4 yiru

Kohima, Yimpoksüi (November) 2 (TYO): Hokolbarnep Kohima district kübok Tsiesema yimtsüng anasa Tata Sumo (Zonal Taxi) ka lungren ka nung tsükokdang nisung pezü yiru.
Kohima nungi Dimapur-i apusoa aluba Zonal Taxi nung nisung 8 mena liasü aser parnok lenmang teküpoklen metre 8 shi lua tsükok. Ajisüaka, lendongji komaser atalok’ar mejangja, ta Traffic police osang ajanga ashi.
Iba lendong nung gari nung mena alir nisung pezü shi yiru saka kanga mejungi yirurtembo malisü, ta parnokisa shisem.