Gari lendong nung nisung ka asü; 3 yiru

Kohima, October 23 (TYO): Bodbarnü Dimapur nungi Kohima-i atuba gari ka tsükokdang nisung ka asü aser asem yiru.
Tanü nikongtsütsü Jotsoma by-pass road nung Zonal taxi ji lungren kati tsüoka ai. Iba gari nung driver den passenger 3 mena liasü, ta Traffic Police ajanga metetdaktsü.
National Highway-29 atongtsü kilometer 3 shi lia gariji feet 30 shi lungren ia tsükok. Tasüsangji tsümar ka liasü aser driver dena nisung asemji Kohima nung mozü ki kati anir ao saka parnok ajak lendong nungi jenbuogo, ta osang ajanga ashi.