Gari lendong nung nisung ka tsükset

Kohima, April 24 (TYO): April 24, 2017 nü National Highway-2 nung truck gari ka tsükokba lendong nung nisung ka asü aser ka yiru.
Tanep züngia Kohima kübok Phesama yimtsüng nung FCI Godown teyangludak anasa, truck gariji lenküpokleni feet 200 shi tsüoka ai, ta Kohima Traffic Police ketdangser kati ashi.
Gari nungji kisüdang amshiba osettem bena liasü aser handyman tsükset. Truck gariji Dimapur nungi Imphal-i aodang lendongji ajuru aser gari anisangji mozükidang anepaluba sülen anizükogo, ta ketsangserisa ashi.