Gari lenmang majungba anema Dimapur nung campaign kaogo

Dimapur, May 14 (TYO): Nagaland nung gari lenmang majungba ajanga nüburtemi timtem ajangshiba yimjak nung metetdaktsütsü atema lenla balala nungi temulungertemi tentetba tentet, Concerned Citizens of Nagaland (CCN)-i ayongzüka Honibarnü Dimapur nung ‘Campaign for Good Roads’ sentong kaogo.
Iba campaign akaba nükjidongji, gari lenmang tajung atema takhangba agütsütsü asoshi lir, aser ibaji senso ajak indang temeten lir, ta CNN-i ashi.
Tanü Supermarket nung temulunger sensotem adenshia sentong tatsü ka agi, aser signature campaign ka agia liasü.
Iba sülen sentong ayongertem aser temulungertemi yimti tesem balalai oa temulunger gari nung yimyim indang noksa malokja liasü, iba den külemi iba nükjidong ya state tesem ajak atongtsü atema tanga district nungi temulunger sensotem nema sticker lema agütsü.
Tesülen state sorkar dang nüburtem atema aser terenlok atema mapang talangka meraksatsüsa gari lenmang tajung agüjang ta takhangba shidi ka Dimapur district administration ajanga Nagaland Angh nem agütsü.