Gari nung aina tanak aser crash guards inoktsü memelar

Kohima, Rongchii/April 01 (TYO): Tetsüng pezü aketba garitem nung glass, windscreens, front aser rear side nung VLT(Visual Light Transmission) aina tanak inokba den gari nung crash guards/bull bars inokba, horns tulu (boosters), windscreen nung temerem aser anüng sentsü flashers/lights inokbaji Motor Vehicles Act, 1989 kübok Arrla 52 ajanga memelar, koba ajanga gari nung keta aliba original dak alaka tanga inokba aser yanglushiba memelar, ta tanü PRO DEF Kohima-i sangdong ka nung metetdaktsü.
Anungji gari kiburtem dang temalen shia alibatem tangsa agientsü metetdaktsür, mesüra MV Act, 1989 kübok temerenshi agütsütsü, ta kasa sangdong nung shia lir.