Gariphema Youth Organisation-i nisung tepsetba aitsür

Dimapur, November 13 (TYO) : Gariphema nunger Khrieketou Chiese tepsetba inyakyim kukua aitsür ta Gariphema Youth Organisation-i sangdong ka nung metetdaktsü.

Tarutsü nung asen lokti nung ibala mesükba lendong mataloktsü atema bangdak ketdangsertemi L. Khel Kohima Village nunger asür Teisovise’er jabaso Neiselhoulie (Tutu) aser Chungtia Yimsen nunger asür Imnasangba’er jabaso Purchiba (Pur) na nem tapet temerenshi agüjang, ta GYO sangdong nungsa takhangba agüja lir.

Nisung kari danga tai tonglokja alirtem bail nung chioktsü atema mapa inyakba putetra GYO-i item nisungtem anema kechi junger ta bilemdir inyaktsü. Tang tashi nung GYO-i aremzüka ozüng amertem den yaritepa arudar, ta sangdong nungsa shia lir.