Garo Hills nung AMEF züngsem 10 temai adok

untitled1
Meghalaya kübok Sambrak yimdak A’chik Matkrik Elite Force (AMEF) züngsemtem temai adokba noksa nung angur.

Tura, January 23 (Agencies) : Hokolbar anüngdang Meghalaya kübok North Garo Hills nung A.Chik Matgrik Elite force (AMEF) züngsem 10 temai adokogo.
Yaküm December ita AMEF tongti lennirtem temai adok aser yashi Sambrak nung AMEF züngsem 10 jagi prangpong-injangtem bener ketdangsertem matsüngdang temai adok.
North Garo Hills Vigilance Forum (NGHVF)-i tiyongtsü nung mapa inyakba ajanga telungpurtemi temai adok. NGHVF nung arogo aser yimten lennirtem dena lir.
Yaküm December ita Rongjeng nung parnok lennirtem temai adokba mapang telungpur 10 medentet aser iba sülen parnok kinüngertemi NGHVF dang parnok temai adoktsü atema yariteptsü mepishia liasü
Sambrak nung telungpurtem temai adokba sentong nung DIG in charge of Garo Hills S S Kynjing, SP Dr Raghavendra Kumar, DC S C Sadhu, Kharkutta MLA Cherak W Momin, Addl SP Abraham Sangma aser SDPO Echeng Bhutia nunger den NGHVF züngsemtem liasü.
Parnoki Light Machine Gun (LMG) ka, AK rifles 2, pistols 2 aser SBBL shot gun ka den injang aika bener arua agütsü.

You must be logged in to post a comment Login