Garo Hills nung IED ka apok

Tura, Mongputeni (October) 30 (Agencies): Hombar aonung Meghalaya kübok Garo Hills nung improvised explosive device (IED) ka apok.
East Garo Hills district headquarters Williamnagar nung iba bomb apok ta Mongulbarnü police-i metetdaktsü.
Yasüng 10:35 ako meta cooperative building sülen bomb ji apok. Bomb apokba tesemji Superintendent of Police (SP) in charge indang office nungi metre 50 shi pilar lir aser iba tesem anasa süng mapa inyaker kar mejanga liasü, ta parnokisa ashi.
Bomb ji kechiba aser shirnoki pokdaktsü’ar memetet aser police-i iba temeket kanga junga mita nükdar. Iba tesem nung tang agi tasembenbuba bomb pokdaktsüogo.