Garo Hills nung shititemi nisung ka ajemset

Shillong, October 30 (Agencies) : Meghalaya kübok South West Garo Hills district nung arem shiti 100 den timba ka arem nungi adoker Katuli yimtsüng anasa alu nung nisung ka ajemset.

School tesayur Arbingstone Ch Marak aser par jabaso nati par alu nungi shititem aridoktsü merangdang pa ajemset.

“Tsüklu nung shiti 100 den timba jagi Marak ajemset saka par jabasobo anaronga jentet” ta SP Aditya Goenka-i osangbener dang ashi.

Shititemji Bangladesh nungi nisungtem meinba sülen India nunger lushileni jena aru, ta SP-isa metetdaktsü.

Garo Hills nung shiti aser nisung tsüngda rara ya aiben ataloker aser India nung shiti timba aliba tesemji Garo Hills lir.