Garo Hills nung telungpur 2 apu

Guwahati, January 31 (Agencies) : Meghalaya kübok South West Garo Hills district nung Army aser Meghalaya Police-i Garo nunger telungpur ana apu.
Tenaji United Achik Liberation Army (UALA nungi Binath M Sangma aser Jingson B Marak na ta jangjaogo.
Tena ket nungi 9mm pistol ana aser injang kar den two-wheeler ka ngutetogo, ta Army osang ka ajanga metetdaktsü.
Osang tejangja kar angazükba sülen South West Garo Hills district nung Army aser Meghalaya Police külemi Pedaldoba yimtsüng mita aodang telungpurtemji apu, ta Lt Col Suneet Newton, PRO (defence)-i sangdong ka nung metetdaktsü.