Gary Gray-i ‘Fast & Furious 8’ direct asütsü akok

October 6, 2015: “Straight Outta Compton” film direct asüsang, F. Gary Gray-i actor Vin Diesel-i teti shilem agiba film “Fast and Furious 8” direct asütsü südi ta osang kar ajanga angashiogo.

Diesel-i pa iundang official Facebook account nung Gray tena tangokba noksa ka enoktsüba ajanga ‘Fast and Furious 8’ film Gary-i direct asütsü akok ta olulu aika jembiba variety.com ajanga metetdaktsü.

Iba film asoshi tang tashi nung studio-i director pezü tenüng ama lir aser itemji Gary, “The Guest’s” film director Adam Wingard, “Now You See Me” director Louis Leterrier aser Will Eubank nunger lir.

Shitakba shim ka asünungbo Gray ya “Furious 7” director, James Wan melena agitsü.

Wan malidang ‘Fast and Furious’ film tarensen ya Justin Lin-i direct süa liasü. Rob Cohen-i mezüngbuba “The Fast and the Furious” 2001 nung direct asü aser “2 Fast, 2 Furious” John Singleton-i direct süa liasü.

‘Fast and Furious 8’ film ya 2016 nung tangoktsü sentong lir.

Ashiba agi Gray ya tang “Black Panther” film tetangokdak lir ajisüaka Diesel ajuruba sülen “Fast and Furious 8” tsütsüi meyipogo.