Gary Rossington temang junga kümogo

October 26, 2015: Lynyrd Skynyrd kentener telok nung kentensang, Johnny Van Zant-i, par telok pur ka tawa temang nung timtem adoksang kanga junga lir, ta Billboard dang ashi.

“Gary junga kümogo. Ni pa den anogo kenü tejak dang jembiogo. Taküm asoshi onok kenten sentong ishika dang anünga lir aser ni pa dang itemji atitsü shia liasü. Na tama temangji kanga junga kümdakjang ta ashidang pai, ni tangbo jajazüa senzüteter aser ozü kibong sülenbo kü telokji ni asoshi tenüngdakba lir. Anungji asenok sentong ajak takümsa tembangtsü ta langzüa liasü,” ta Johnny Van Zant-i ashi.

Lynyrd Skynyrd kenten sentong ana tashi Gary temulungjang nung timtem adokba ajanga thinena liasü, ajisüaka Montgomery, Alabama nung Alabama National Fair mapang parnok November 7 nü kenten sentong akatsü tebilemba lir.