Gates Foundation-i Health Sector nung yaritettsü: JP Nadda

New Delhi, December 05 (Agencies): Hokolbar nü Bill Gates, Co-Chair & Trustee, Bill aser Melinda Gates Foundation-i Minister for Health & Family Welfare, J P Nadda ajurua anema alibaren sector nung nüngdak kar jembiogo.
Iba senden nung Gates-i India nung Health Ministry-i health sector akangshia yangluba, talisa Primary Health Care aser Fill Immunization Mission Indradhanush ajanga Inactivate Polio Vaccine (IPV) November 30 nung tenzükba atema pelaba metetdaktsu.
“Gates Foundation-i Health Sector investment nung yaritettsu aser capacity building nung tongtibang mapa inyaktettsu,” ta JP Nadda-i ashi.
Iba senden nungsa BMGF-i sorkar teyari agütsütsü lemtet, koba ajanga health systems tali tajungba akümtsü aser senpong nungi senotsü intokba ajema akumtsü.