Gauba-i Union Home Secy. mapa agizükogo

New Delhi, August 31 (Agencies): Union Home Secretary, Rajiv Mehrishi arishi küm agi abensaba sülen Brihostibarnü Rajiv Gauba-i pa mapa melenzükogo.
Jharkhand nungi 1982-batch IAS officer, arishi küm 58, Gauba-i Home Secretary mapa küm ana inyaktsü, ta tanü home ministry nung ketdangser kati metetdaktsü.
June 27, 2017 nü pa home secretary atema shimba sülen pa Special Duty (OSD) nung officer ka ama home ministry nung anioka liasü.
Iba jakdang pa Union urban development ministry nung secretary aser home ministry nung additional secretary inyaka liasü.
Gauba-i state sorkar aser international organization balala nung inyakdang aika ajangshia aruogo.
Pa 1959 küm Punjab nung aso aser Patna University nungi graduate (Physics) asü.
Pa Centre sorkar nung meinyakdang Jharkhand nung ita 15 tashi chief secretary inyaka liasü.
Gauba-isa central sorkar ministry balala- home, defence, finance, environment & forests aser department of electronics & information technology nunga inyakogo.
Jharkhand state metentetdang pa Bihar kübok Gaya, Nalanda aser Muzzaffarpur district tem nung magistrate inyaka liasü.
India tenüng nung pa International Monetary Fund board nunga küm pezü inyak.
Union home secretary ka ama pai internal security, Jammu & Kashmir aser Northeast nung telungpur tebilemtsü aser Maoist tebilemtsü atema inyaktsü.