Gauhati High Court-i ketdangser 9 nem bail agütsü

Guwahati, Mongputeni/October 4 (Agencies): Assam Public Service Commission (APSC) kübok mapa asoshi sübokrem agütsüba, Assam Civil Service (ACS) aser Assam Police Service (APS) officer teku nem Yangtepnü Gauhati High Court-i bail agütsüogo.
Bail agütsürtem rongnung Dipak Khanikar, Kunal Das, Sudipta Goswami, Gitali Doley, Rumi Saikia, Sunaina Aideu, Sabira Imran, Dilip Kumar Kalita aser Badarul Islam nunger densema lir.
Item ketdangsertem ya taoba küm Yimpoksüi/Nov 8 nü apu aser Guwahati Central Jail nung puoka liasü.
Temetettsükaji mapa asoshi sübokrem agiba aser agütsüba dak sendakba nung aija alir rongnung tongtiba, taoba Assam Pulic Service Commission (APSC) Rakesh Paul densema ketdangser parnok 54 pua lir.
Gauhati High Court, Court no 11 nung Justice Rumi Kumari Phukan-i ACS aser APS ketdangsertem nem bail agüja liasü.
Taoba mapang nung BJP nungi Tezpur Lok Sabha MP RP Sharma’er jala APS ketdangser Pallavi Sharma nem Luroi/Aug nung anogo 14 atema interim bail agüja liasü.
Gauhati High Court-i humanitarian ground nung Pallavi Sharma nem interim bail agütsü. Pallavi Sharma-i tebu RP Sharma nem tezüng (kidney) ka agütsütsü liasü, shiba Kolkata nung kidney ailment treatment agia liasü.
Engineer Naba Kanta Patir-i sübokrem sen lakh 10 tetsür doctor ka dang nungi meshiba sülen Dibrugarh police-i pa apu aser iba ajanga mapa asoshi sübokrem agütsüba ochi mashi ken o ya temai adok.