Gauhati High Court-i NPF MLA 7 anentsütsü onük magizük

Guwahati, February 12 (Agencies): Naga People’s Front (NPF)-i Gauhati High Court indang Kohima Bench tsüngdang Nagaland Legislative Assembly nung NPF MLA 7 suspend asütsü atema application ana benok saka magizük.
MLA 7-i parnok disqualify asüba dak sendakba writ petition agütsüba anema ken o benokba atema tatembang oshidang ka magütsüi aliba ajanga High Court-i application tem magizük.
MLA temji- E.E. Pangteang, Eshak Konyak, Kejong Chang, B.S. Nganlang Phom, Toyang Chang, N. Thongwang Konyak aser C.L. John nunger lir.
MLA teneti Assembly session nung madentsü atema obendang magütsütettsü kechiyong parnok disqualification asüba indang ken o ano metembang lir ta High Court-i ashi.
Lok Sabha election nung NPF-i Congress candidate K.L. Chishi pusemtsü lemtetba anema MLA teneti inyakba atema April 2019 nung NPF-i parnok party züngsem nungi züngdoka liasü.
MLA 7-i Nationalist Democratic Progressive Party (NDPP) aser BJP teloktep indang candidate pusema nungit.
July 2020 nung NPF-i parnok anema disqualification petition ka benok saka Nagaland Assembly Speaker Sharingain Longkumer-i ibaji magizük.